Nul meillor cheval. de toi
Si con ge pens et cuit et croi
Et la pucelle navoit ris
Anz avoit passez plus de dis
Et ce dist ele si en haut
Que tuit loirent et ques saut
Cui la parole henuia molt
Cop li dona si estolt
De sa paume en la face tendre
Quil le fist a terre estendre
Quant la pucele ferue ot
En sib retor trona un sot
De lez la cheminéé estant
Sil bota enz el feu ardant
Del pie par corroz et par ire
Porce que li soz soloit dire
Ceste pucele ne rira
Jusqua tant que le verra
Celui qui de chavalie
Aura tote la seïgnorie
Issi cil crie et cele plore
Et li vaslez plus ni demore
Ainz sen retorne sanz conseil
A pres le cheval. vermeil
onez qui les droiz sentiers
savoit toz et moult volentiers
Aportoit noveles acort
A tot.ii.conpaïgnons sen cort
Par un vergier devers la sale
Et par une posterne avale
Page:Chrétien de Troyes - Roman de Perceval le Gallois - MS 248.pdf/37
Cette page n’a pas encore été corrigée
