Page:Castets - La Chanson des quatre fils Aymon, 1909.djvu/873

845

les quatre fils aymon

Renaus parla devant qui de fierte donzele,
Et salua lo roi o sa vertu isnele.
« Icil Dex, ce dist il, que toz li mons apele,
16950Saut lo roi Charlemaigne et sa maisnie bele,
S’il n’i a traïtor qui contre Dex revele ;
Mais celx otroit grant honte, [doint] lor fresche novele. »^[1]
« Amis, dit l’empereres, Dex oie vo [favele]. »

Quant li rois ot oï le fort conte Renaut,
16955Son salu li rendi [oiant] trestout en haut.^[2]
Et li fil l’acolerent qui sont lié et baut.^[3]
De grant joie d’amor li firent maint asaut.
« Bialx fils, ce dist li dus, se Damedex me saut,
Se bien ne vos proves, quant venra à l’asaut,
16960Jamais n’aureis do mien valissant .i. bliaut.
Si voil que tuit lo sachent par lo Dex qui ne faut,
Ains ne fis traïsson ne sus ne jus ne chaut.
Quant Forques m’asailli desus la roche en haut,
Moi manacha à pendre, [com] se fusse .i. ribaut.^[4]
16965Jo l’ocis voirement maintenant tot piéchaut,^[5]
Bien le virent François et Ogiers qui molt vaut.
Ne fu par traïson ne angiens ne asaut.
Se ne la deffendes, par lo Dex qui ne faut,
Je les escorcherai o metra[i] en desfaut. »^[6]
16970« Pere, ce dist Yons, ne seiez en eschaut.
Por icel Dex de gloire qui là sus maint en haut,
Mar lo penserent onques li [dui] felon ribaut.^[7]
Il se repentiront, je cuit bien, en sorsaut. »

Quant Renaus fu venus à la cort l’emperere,
16975Rollans et Oliviers li firent bele chiere
Et Naimes et Ogiers an ot la face clere.^[8]

1. 16952 L dolor fresche. A que Diex doint male perde. J’y prends doint.
2. 16955 L voiant. A oiant.
3. 16956 A qui furent lié et baut.
4. 16964 L pendre se. A com je fusse. P com je fuisse.
5. 16965 P Je l’oceiz (sic) en la place certes et tot pié chaut. A Et je l’ocis errant.
6. 16969 L o eschorcherai o metra.
7. 16972 L li felon.
8. 10953 L proiere. A ainssi sen puet il estre.