Page:Castets - La Chanson des quatre fils Aymon, 1909.djvu/867

839

les quatre fils aymon

Tant tindrent biax ostex que mervoille samblerent^[1]
A trestous les barons qui en la cort Charle erent.
Tant firent par ax .ii que si haut se leverent
Que toz les damoissiax de la cort sormonterent.
16775Quant Charles a oï que si bien se proverent,
Tant les a tenus chiers, tot jorz o lui entrerent^[2]
Et devant lui servirent, les autres adosserent.
Li fil Focon lo voient, forment s’il aïrerent,^[3]
Damedex et ses Sains molt forment an jurerent
16780Qu’il les feront dolant, mar à cort se monterent.

Ce fu un samedi de la grant Pentecoste,^[4]
Charles fu à Paris o maint baron ajoste.
Tot i furent li prince don Charle pas ne coste,
[Yvons et Aymonnes], tote la cort ajoste.^[5]
16785Quant vint après mangier, as barons rien ne coste,
Les napes [font oster], maint baron i ajoste.^[6]
Yvones torne au roi, des barons se desjoste.

Yvons corrut au roi qui li tant .i. [costel].^[7]
Ensiques [s’an] torna, com .i. tozel isnel,^[8]
16790Costant feri del code .i. pou soz lo forciel,^[9]
Si c’onques mais n’an pot, ne li fist par revel.
Quant Costant l’a veü, ne li fu mie bel.
« Qu’est ce, dist il, diables, — por lo cors saint Marcel,^[10]
De cest garçon traïtre, com maine son avel !^[11]
16795Et par son grant orguel et par son grant revel^[12]

1. 16771 L lo jor biax ostex. A tinrent bon ostel.
2. 16776 A o lui alerent.
3. 16778 A s’en aïrerent.
4. 16781 A sabmedi devant la. P apres la
5. 16784 L Yvonet et Yvon. A Yonnez et Aymonnez. P. Yon et Aymonnez.
6. 16786 L sont osté. A P font oster.
7. 16788 L coffel. A coustel. P cotel.
8. 16789 L s’atorna. A Si com il releva. P Et puis si releva com damoizel isnel.
9. 16790 A hurta du coude. P en a feru un pou sor le forcel.
10. 16793 P Que est ce dont, fet il, par.
11. 16794 A garçon enflé qui mainne tel revel. P Del fil à traïtor, com ore a de revel.
12. 16795 A P manque.