Page:Castets - La Chanson des quatre fils Aymon, 1909.djvu/625

597

les quatre fils aymon

10405Cui Dame Dex confonde, li rois de majestés,^[1]
Li lança .i. chevestre par andeus les costés.
Molt fort li a estraint par molt grant cruelté ;^[2]
Tot autresi le maine comme larron prové.^[3]
Por la pitié de lui ont maint baron ploré ;^[4]
10410Mais l’empereres Charles l’a si cueilli en hé,^[5]
Qu’il n’en voloit oïr nul home qui fust né.
Et Ripeus chevauça, ki fu acheminé,
O lui si compagnon c’on li avoit livré.
Et l’emperere Charles le convoia asses ;
10415Bonement le chastie, qu’il ne soit esfraés :^[6]
« Vengies moi de Richart, et puis si retornes.
Ja mar doterois home qui de mere soit nés. »^[7]
« Sire, ce dist Ripeus, de cestui pais aves ;
Si fust ores Renaus et Maugis atornés,
10420Com Richars iert encui, ains qu’il soit esconsé ! »
« Certes, ce dist li rois, quant il l’ot escouté,
G’i volroie avoir mis .iiii. de mes cités. »
Or s’en torne Ripeus, molt s’est aseürés.

1. 10405 Manque à B Metz.
2. 10407 Manque à B.
3. 10408 B Tout aussi le paumoie.
4. 10409-10428 Texte de B :

   Que Kllez l’emperere l’ot ainsi commandé
   Et chil le fist moult bien tout à sa volenté.
   Quant Kllez. li fit faire, il ot moult fol pensé.
   Il ne le deüst faire pour l’or d’une chité.
   5Ainchois y fu sa honte, sachiez par verité.
   Ripeu [en] apela, si l’a araisonné.
   Amis, chen dist li roys, ja mar en douterez
   Que vous n’i arez garde d’homme de mere né.
   Vengiez moi de Richart, puis vous en retornez.
   10Sire, che dist Ripeus, [de cestui] pais avez.
   Or s’en torne Ripeus que n’i est arrestés.
   Qui lor veïst Franchois par les tentez pamer,
   Jamais de si grant duel n’orra nus hom parler,
   Com faisoient as tentez li demaine et li per.
   15E Diex ! elle dist Ogiers, or devroie derver.

5. 10410-10414 Manquent à Metz
6. 10415 Metz : Rispeu, ce dist li rois, onques ne vos dotes.
7. 10417 Manque à Metz.