Page:Castets - La Chanson des quatre fils Aymon, 1909.djvu/505

477

les quatre fils aymon

El premier cief devant Fouque de Morelon,
M 179 6740L’ome ki plus le hec soz la cape del mont.
Quant Renaus l’a veü, si grant du[e]l n’ot nus hom.^[1]
« Helas, ce dist li bers, caitis quel le feron ?
Hui nos covient morir, que ja n’en estordron. »
« Frere, dist Aallars, por Deu, que dites vos ? »
6745« Par foi, ce dist Renaus, jo voi grande dolors.
Esgardes, Aallars, con grant percussions. »^[2]
Quant li bers les perçoit, à poi que il ne font.
Il est ceüs pamés del mulet arragon
Et Richars et Guichars et tuit .iii. li baron ;
6750Il tirent lor ceveus et lor gris peliçons.
Dex ne fist home en terre, por voir le vos dison,
Qui n’en eüst pitié, s’il veïst lor dolor.
« Aallars, [dist] Guichars, moi et vos i moron^[3]
Et Richars ensement, ja vif n’en estordron.
6755Nostre mort est jurée, de verté le savon.
Por amor dame Deu, quel consel en prendron ?
Renaus nos a traïs, bien nos apercevon.
Il nos i amena o volsisson ou non.
Certes il savoit bien le morté traïson.
6760Ki s’en fiera mais en nul home del mont !
Quant l’un frere vent l’autre, ci a grant mesprison.
Richars, car trai l’espée ; por Deu, si l’ocium !^[4]
Si morra avec nos li traïtes felon.
Bien doit morir à honte hom qui fait traïson. »^[5]
6765Lor traient lor espées tuit .iii. li compaignon
Et vi[n]rent à Renaut, irié comme lion,^[6]
Et com Renaus les voit, si lor rist par amor.
« Hé las ! se dist Richars, caitis quel le feron ?
Ne ferroie mon frere por tot l’avoir del mont. »
6770« Ne je, dist Aallars, si ait m’ame pardon. »

1. 6741 L dul.
2. 6746 L percussions. M persecussion. Manque à B.
3. 6753 M donne dist qui est nécessaire.
4. 6762 Metz : Guichart.
5. 6764 Manque à Metz.
6. 6766 L virent.