Escrit est à Tremoingne en la fiertre au baron :
La chambre qui fu blanche en mua sa color :
[Si] devint inde et perse [et noire] com charbon,[1]
Et li .i. ne vit l’autre, ains chaïrent trestot.
Une grant piece jurent illuec en pamison,
Puis issent de la chambre, lor conseil finé ont.
De la chambre issent fors, li conseus est finés ;
Li rois sist sor .i. banc, qui fu tous trespensés.
Son chapelain Gontart a li rois apelé :
« Amis, ce dist li rois, à moi en entendes.
Faites moi tost .i. brief, de cire enseellé ;
Si i metes tot çou que vos conter m’oes :
Que je mant à Karlon salus et amisté ;
Se il me fait tot çou qu’en son brief ai trové,
Les .iiii. fils Aymon li ferai delivrer ;
Es plains de Waucolors les li ferai mener ;
S’auront .iiii. mentiaus d’escarlate afublé,
.iiii. peliçons gris, de fin orfroi bandé ;[2]
Si gart que il [i] ait le miels de son barné,[3]
Car se il li eschapent, puis ne m’en doit blasmer. »
« Sire, ce dist li clers, faites les moi nomer.»
« Non ferai, dist li rois, car je le weil celer. »
Cil a escrit la chartre et le brief saelé ;
Venus est au mesage, et poing li a boté.
Li rois en apela son corliu Salatre :
« Au siege, à Monbandel, à Charlon m’en ires,
- ↑ 6075 L illueques devint inde et perse com charbon. Corrigé d’après B V Metz.
- ↑ 6090 M B V ajoutent En lor mains flors de roses pour lor cors deporter. Ce détail était essentiel.
- ↑ 6091 I il ait.
B V :
Pour Renaut y fist Dix grant miracle le jour.
La cambre qui fu painte, si mua la coulor,
Si devint inde et perse et noire com charbon.
Quant li rois Yus le voit, à poi d’ire ne font.
A omet le miracle. La sainteté de Renaud, la mention de la châsse où ses restes étaient conservés à Tremoigne (Dortmund) sont des emprunts faits à la légende hagiographique qui finit par clore la Chanson de geste.
