Et si entre en la chambre où sunt li anemi.
Quant cil qui laiens furent, orent le duc choisi,
Vers lui sunt aprochié, si le courent saisir ;
As grans coutiaus à pointe le voloient mordrir.
Quant li dus l’a veü, molt fu espoeris.
« Seignor, ce dist li dus, por amor Deu, merci.
Vostre voloir ferai, n’i aura contredit,
Et jurerai sor Sains, trestot à vo devis,
Toutes vos volentés ; si me laisies garir. »
Et respondent li autre : « Or aves vos bien dit. »
Lors li ont fait sor Sains et jurer et plevir
Qu’il sera lor compains à çou que il ont dit.
Atant es vos le roi de Gascoigne, où il vint,
Où qu’il voit les barons, ses a à raison mis.
« Seignor, ce dist li rois, quel conseil aves pris ? »
Et dist Hunaus li fel : Ja le vos aurom dit.
Ja ne vos iert celé de grant ne de petit.
Nos somes entre nos afié et plevi,
Se Renaus n’est rendus, tot vos somes failli ;
A Charlon en irons, le fort roi seignori. »
Quant li rois l’entendi, tint soi por malbailli.
Il commence à plorer des biaus ieus de son vis
Et dist entre ses dens, que nus ne l’entendi :
« Ahi ! sire Renaus, frans chevalier hardi,
Com or iestes ici vilainement traï ! »
« Seignor, ce dist [li rois], por Deu et por son non,[1]
Se Renaus s’aperçoit de ceste traïson,
Ja n’aurai à garant ne chastel ne donjon,
Qu’il ne me face ardoir à feu et à charbon. »
« En la moie foi, sire, dist li quens d’Avingnon,
Es plains de Waucolors menra on les barons ;
Bons mentiaus d’escarlate lor afublera on ;
- ↑ 6046 Sic Metz. L. Ramon. Tout montre d’ailleurs que c’est bien le roi Ys qui continue à parler.
florie, Guimars un duc qui tint Bayonne, Hunnaus li viés, Bertrans à la chenue barbe. Aucune trace d’un complot et de violences des adversaires des Fils Aymon. Dans mon introduction, j’ai eu à parler de cette forme de la délibération. Cf. cependant v. 6033.
