Page:Castets - La Chanson des quatre fils Aymon, 1909.djvu/166

154

les quatre fils aymon

100.La veïssiez donner grans cops du branc d’achier.
E Dix ! com se deffendent li nobile guerrier !
Mais li royal sont bien, je cuit, plus d’un millier.
La fu pris A[a]lars et Guichars au vis fier
Et Richars ensement, n’i ot nul recouvrier.
105.Et Renaus s’en fuï, ou il n’ot qu’enseignier^[1].
Dame Dix le conduit, qui tout a à jugier,
Car se il y est pris, bien le puis afichier,
Tous li ors que Dix fist, ne li aroit mestier
Que il ne fust pendus sans nisun respitier^[2].
110.Mais se trestout li homme qui sont dusqu’en Pamiers
Enchauchoient Renaut, le fil Aimon le fier,
Ne l’aroient il pris en tout .I. an entier.
Es vaus de Dan Martin perdirent le guerrier.
Dont s’en sont retourné Alemant et Baivier.
115.Karllez les encontra, si a pris a huchier :
Rendes moi lez gloutons qui si m’ont fait irier,
Car ja seront pendu sans nisun atargier.
Adonques a parlé dus Naimes de Baivier :
Par ma foi, empererez, a cheler ne vous quier,
120.Lez .III. des fiex Aimon vous ramenons arrier.
Renaus [est] escapés^[3] sur Baiart son destrier
Et vez ichi lez autres a vostre justichier.
Hé dix ! dist Karlesmaines, com je puis esragier,
Jamais joie n’arai, iche os affichier.
125.Dont retournent arrière Alemant et Baivier.
F°13, r^oA.Hui mais orres canchon qui moult fait a prisier,
Ains n’oïstes meillor, bien le puis affichier.
Che fu a Penthecouste que li jour sont plenier,
Karlles vint à Orlliens, l’empererez au vis fier,
130.Et ot sa court tenue com [nobile guerrier]^[4]
Moult grant duel ot li roys por [Bertol]^[5] le legier
Que Renaus li ochist du pesant esche[k]ier^[6].

1. C : sor Baiart son destrier.
2. C : ja n’ara recovrier.
3. C : mes Renaus si s’enfuist.
4. B : com noble guerroier. C comme noble guerrier.
5. B : Bertelet. C Biertol le guerrier.
6. B : eschechier.