Cette page a été validée par deux contributeurs.
FABLE V.
DOU CHIENS È DOU FOURMAIGE[1].
Par une feie ce vus recunt
Passeit un chiens desus un punt ;
Un fourmaige en se geule tint,
Quant il enmi cel punt parvint
En l’aigue vit l’ombre dou fourmaige.
Pur pensa sei en sun curaige
K’il les vuleit aveir an deus,
Iluec fu-il trop cuveiteus.
En l’iaue sunt, sa buche ovri,
E li fourmaiges li chéi,
E umbre vit, è umbre fu,
E sun fourmaige en ot perdu
MORALITÉ.
Pur ce ne deivent custier
Cil ki trop voelent coveitier,
Ki plus coveite que sun dreit
Par li méismes se déceit ;
Kar ce k’il a pert-il suvent
E de l’autrui n’a-il talent.
- ↑ La Fontaine, liv. vi, fable xvii, Le Chien qui lâche sa proie pour l’ombre.
