Cette page a été validée par deux contributeurs.
FABLE I.
D’UN COC QUI TRUVA UNE GEMME SOR UN FOMEROI[1].
Du coc racunte ki munta
Sour un fémier, è si grata
Selunc nature purchaceit,
Sa viande cum il soleit :
Une chière jame truva,
Clère la vit, si l’esgarda ;
Je cuidai, feit-il, purchacier,
Ma viande sor cest fémier,
Or ai ici jame truvée,
Par moi ne serez remuée.
S’uns rices hum ci vus travast,
Bien sei ke d’or vus énurast ;
Si en creust vustre clartei,
Pur l’or ki a mult grant biantei.
Quant ma vulentei n’ai de tei
Jà nul hénor nauraz par mei.
MORALITÉ.
Autresi est de meinte gent,
Se cut ne vient à lur talent,
Cume dou coc è de la jame ;
Véu l’avuns d’ome è de fame :
Bien, ne hénor, noient ne prisent,
Le pis prendent, le mielx despisent.
- ↑ La Fontaine, liv. i, fable xx, le Coq et la Perle.
