et mis en vers français. Ce conte et les fables de Marie (dont nous donnerons quelques-unes avec le prologue et l’épilogue, qui ont trait aux fables) composent le second volume du recueil de M. de Roquefort.
PROLOGUE.
CONTENANT LA DEDICACE DES LAIS DE CETTE MISE.
Ki Deus ad doné en science,
De parler la bone éloquence,
Ne s’en deit taisir ne celer,
Ainz se deit volunters mustrer.
Quant nus granz biens est mult oïz,
Dunc à per-mesmes est-il fluriz ;
E quant loez est de plusurs
Dunc ad espandues ses flurs.
Custume fut as ansciens
Ceo le tesmoine Prescieu,
Es livres que jadis feseient,
Assez obscurement diseient,
Sur ceus ki à venir esteient
Et ki aprendre les deveient,
Ki puessent glosser la lettre
E de sur leur sen le surplus mettre ;
Li philosophe le saveient
Et par eus mesmes entendeient
Cume plus trespassèrent le tens,
E plus furent sutil de sens,
E plus se savèrent garder,
De ceo ki est è trespasser.
Ki de vice se volt défendre
