Le texte de cette page a été corrigé et est conforme au fac-similé.
— 83 —
souviz[1]. Et aussi pour avoir estaye et rectenu bien et deuement la charpenterie du comble dicelle eglise du long de ladicte chappelle jusques ad ce que certains ars de pierre qui portent les combles, de ladicte eglise et chappelle feussent faiz et assouviz par marche fais audit Jaquet pour sa peine seulement xiiii. l. viii. s. p.
« A lui pour avoir abbatu sie et taille et assis entre ycelle eglise et chappelle deux goutieres de bois[2], pour recevoir et gecter hors les eaues desdiz combles avec plusieurs gueynes[3] de bois sur quoy ycelles goutieres sont assises par marche fait audit Jaquet xl. s. p. Pour tout
xvi l. viii. s. p.
« A Jehannin Malorre charpentier pour sa peine et salaire davoir fait bien et deument iiii croisiees de cintres de bois[4] pour faire les voultes de la dicte chappelle au pris de xl. s. p. chacune croisiee par marche fait a lui valent viii. l. p.
« A lui pour son salaire davoir faiz neuf autres petiz cintres de bois cestassavoir vi pour faire les formes[5] de maconnerie de ladicte chappelle et iii pour faire les iii ars empointiez[6] qui portent le coste de ladicte chappelle devers leglise au pris de viii. s. p. piece par marche fait a lui comme dessus valent lxxii. s. p.
« A lui pour une couple de sieurs qu’il a livrez pour xiiii journees pour faire la sierie desdiz cintres au pris de vii. s. p. par jour valent iiii. l. xviii. s. Pour tout
xvi l. x. s. p.
« A Philippot le Brosselois voicturier pour avoir admene a sa voicture et chevaulx de la foret de Cuise pres de Bastigny jusques sur le lieu de la
