LA BELLE MAGUELONXE.
église avec un autel. Laquelle église elle fit appeler Saint Pierre de Maguelonne pour remembrance de son amy Pierre et de sa loyale amie Maguelonne.
Et quant l'église et l'ospital furent achevés, *Ma- guelonne se mit en grant devocion a servir les povres 5 malades de Jhesucrist et faisoit très aspre vie, tant que toutes les gens de l'isle et de là environ la tenoient pour sainte. Et la nommoient la sainte pèle- rine et y apportoient grandes offrandes, tant que la femme du conte y vint en grant devocion et le conte 10 pareillement.
Et par devocion un jour ils vinrent visiter ceste église et liospital et veoient la manière de ceste hos- pitalière. Et disoient le conte et la contesse que sans faute elle devoit estre une sainte personne. 15
L'ospitaliere, comme bien apprise et comme celle qui le savoit faire, se alla présenter au conte et a la contesse et leur fit honneur et se recommanda a leur amour et grâce. Et la contesse prit grant plaisir aux contenances de l'ospitaliere et en ses douce paroles, 20 et mais le conte.
Toutesfois la contesse la tira a part et parlèrent de beaucoup de choses, tant que la contesse luy conta comme estoit dolente de l'absence de son fils, et si ploura fort avec elle. 25
Et Maguelonne la confortoit fort en douces paroles, nonobstant que la douce Maguelonne eust plus grant
��f.l53v. ^^
�� �
