LA BELLE MAGUELONNE.
en mémoire de ceste vostre '"promesse et le porterez pour l'amour de moy."
Cestuy estoit le tiers annel que luy avoit donné sa mère, qui estoit plus bel et plus riche que les autres, et Maguelonne le prit volentiers et le alla baiser et accoler autresfois. Et sur cecy la douce Maguelonne appela sa nourrice.
Ainsi qu'ils eurent assez parlé entreprinrent en quelle manière d'illec en avant Pierre devoit venir souvent la voir. Et ainsi prinrent congé et Pierre s'en alla en son logis plus joyeux qu'il ne souloit. Et aussi Maguelonne, toute joyeuse, demoura avec sa nourrice en sa chambre sans en faire semblant a autre personne du monde.
��15 COMMENT LA BELLE MAGUELONNE DEMANDE A SA NOURRICE QUE LUY SEMBLE DE SON AMY PIERRE.
Souvent parloit Maguelonne a sa nourrice de son amy Pierre et luy disoit: ,,Que vous semble, ma chère 20 nourrice, de mon loyal amy Pierre? Je vous prie que vous me dites qu'il vous en semble."
Lors dit la nourrice: „Certes, madame, il est bien vaillant, doux et sage en toutes ses manières. Et me semble a ses nobles condicions qu'il doit estre de haut 25 hostel et de noble lignage des chrestiens."
��34
�� �
