LA BELLE MAGUELONNE.
��COMMENT LE NOBLE PIERRE SE REVEILLE DE
LA OU IL ESTOIT ENDORMY EN L'ISLE, COMME
AVEZ OUY DESSUS.
Pierre estant ainsi endormy demoura une grant
5 pièce, tellement qu'il fut noire nuit. Et quant il eut assez dormy, il se reveilla et vit qu'il estoit nuit et fut fort esbahy et se leva debout prestement et s'en alla vers la marine en celle partie ou il avoit laissée la nef. Et quant il fut près il ne vit rien, et se
10 pensoit que l'obscurité de la nuit luy tollit la vue de la nef. Et commença fort a crier a ceux de la nef, et personne ne luy respondit.
Et voyant que personne ne luy respondit il eut tant de douleur en son cueur qu'il tomba a terre
15 comme mort et perdit toute mémoire et entendement, et demoura ainsi une grant pièce. Et quant cela luy fut passé il se leva en séant et commença a se plaindre et a plourer et mener le plus grant dueil du monde. Et disoit en ceste manière: „0 seigneur dieu et Jhesu-
20 crist! Et *n'auront jamais fin mes desfortunes. Et qui est le misérable homme au monde que fortune pour- suive si cruellement? Et ne souffisoit il point, Seigneur, que tant douloureusement j'eusse perdue ma si noble et si loyale espouse qui estoit mon espérance et mon
25 plaisir, laquelle douleur passoit toutes les autres dou- leurs de mon cueur? Et puis fortune si cruelle m' avoit
��* f- 162. ^
�� �
