eumque humilem in mundum ingredi : humilem in mundo conversari, & humilem è mundo exire voluisti : respice, obsecro, ad desideria cordis nostri, & miserere gemituum infirmitatis noftræ, virtutemque humilitatis nobis tribue, ut eum quem professione sequimur, conversatione imitemur, & tibi, qui gloria nostra es, ejus vestigiis inhærendo placeamus : immitte in corda, quæ creasti & ex æternitate dilexisti, veram & claram notitiam nostri, desideria contemptûs, & vilipensionis excita ad ascendendos hujus scalæ cœlestis gradus robora, & fructus humilitatis in manibus nostris ostende. Da pacem Domine, da pacem nobis, quam in verissima hujus sæculi, & nostri despicientiâ collatam intuemur in animabus nostris : hoc sublimissimum, fundamentum structuræ spiritualis injicito, ut dùm illi te donante virtutum lapides superponimus, & ferventissimâ charitate contegimus, Templum in nobis, quod tu, ô Deus meus ! semper inhabites, exstruamus. Amen.
Meluts est sapere modicum cum humilitate & parvâ intelligentiâ, quàm magni scientiarum thesauri cum vana complacentia. Akempis lib. 3. c. 7.
