Cette page a été validée par deux contributeurs.
23
nouvelle Eſpagnole.
lieu où ſes pas la conduiſoient naturellement, il luy échapoit meſme de dire des choſes trop tendres au Prince, qui luy donnoit une grande compaſſion ; mais l’Oracle menaçant de la Fée, ne pouvoit s’effacer de ſon eſprit ; elle aimoit peut-eſtre déja ce qu’elle n’avoit point vû ; cependant elle en doutoit tant qu’elle ne voyoit qu’un arbre, elle avoit peur de luy rendre la premiere figure, & quelque-fois malgré elle le ſouhaitoit. Le roſier de ſon coſté trouvoit lieu à des plaintes au travers des paroles les plus flateuſes que luy diſoit la Princeſſe. Si j’en crois, luy diſoit-il, vos diſcours & vos ſoins, j’excite voſtre pitié,
