Le texte de cette page a été corrigé et est conforme au fac-similé.
113
nouvelle Eſpagnole.
ſurpriſe de s’eſtre jettée elle-meſme dans cet abiſme. La difference de ſes malheurs preſens, & de ſes malheurs paſſez, luy parut trés-grande, tout importunoit ſon eſprit, & luy ſembloit un nouvel obſtacle à ſes ſentimens, elle ſe trouvoit meſme contrainte en quelque ſorte par Elvire qui eſtoit toute à elle, & que le Comte de las Torres luy avoit renduë. Sa douleur avoit honte de paroiſtre aux yeux d’autruy avec tant de violence, & tant de tranſport. La crainte qu’elle avoit de s’expliquer, luy faiſoit ſentir vivement combien les mouvemens de ſon cœur luy devoient eſtre ſuſpects, ſi
