de vous mettre en seureté, pourveu qu’une prompte resolution nous donne moyen non seulement de l’entreprendre, mais aussy de l’executer. » Sur cela il me sembla tout allegé, et me dit apres plusieurs complimens : comment nous pourrions faire ? Je luy dis : « Conseillés vous une demi-heure encores, et sy vous y estes bien resolu, descendés a ma chambre dans la conciergerie ou vous trouverés des bottes prestes, et deux coureurs quy nous meneront a la premiere poste, d’ou nous irons en diligence a Paris et de là a Amiens ou je vous laisseray puis apres pour m’en revenir, et diray que sans sçavoir vostre dessein, croyant que ce fut pour une querelle particuliere, vous m’avés mené avesques vous, et qu’estant a Amiens vous m’avés dit la cause de vostre fuitte, me priant de venir trouver la reine, a laquelle puis apres je diray les choses necessaires pour vostre raccommodement. » Il approuva cet expedient, lequel il alla communiquer au marquis de Cœuvres et a Dolet, lesquels voyans que, s’il s’en alloit et qu’ils demeurassent, ils estoint perdus, et que sa consideration et presence les sauveroit, le desconseillerent de prendre ce party, disans que je le faysois a dessein de le ruiner et de prendre sa place pres de la reine : ils le persuaderent de prendre le premier expedient que je luy avois proposé, quy estoit de recourir a la reine, vers laquelle il trouva toute sorte de douceur et de bonté : joint que Mr de Roissy[1], quy avoit
- ↑ Jean-Jacques de Mesmes, seigneur de Roissy, fils de Henri de Mesmes, seigneur de Roissy, et de Jeanne Hennequin, conseiller au parlement de Paris en 1583, maître des requêtes en 1594, conseiller d’État en 1600, mourut le 31 octobre 1642.
