Cette page a été validée par deux contributeurs.
68
LIVRE V. TIT. V.
Tit. V.
De prevves et reproches.
I.
L y a aux prouerbes ruraux, que Fol eſt qui ſe met en enqueſte.
II.
Ouïr dire va par ville, & En vn muy de cuider, n’y a point plein poing de ſçauoir.
III.
Seel authentique faict foy par les Couſtumes.
IIII.
Teſmoings paſſent lettres.
V.
Les plus vieux tiltres ne ſont pas les meilleurs.
VI.
Les ſergens, meſſiers, & foreſtiers ſont creus de leurs priſes & rapports iuſques à cinq ſols.
VII.
Vne fois n’eſt pas couſtume.
VIII.
Couſtume ſe doit verifier par deux tourbes, & chacune d’icelles par dix teſmoins.
IX.
Reproches generaux ne ſont admis, non plus que de familier, amy, & ſeruiteur, s’il n’eſt domeſtique & ordinaire.
X.
Faicts de reproches d’eſtre larron, parjure, infame, rauiſſeur, & autres crimes ne ſont receus, s’il n’y a eu ſentence ou compoſition.
