Cette page a été validée par deux contributeurs.
112
RONDEAUX
Et si n’ay os ne ners ne vaine,
Qui de ce mal ne seuffre paine
Pour les douleurs dont je suis mors,
Ung chacun [jour de la sepmaine.]
Et qui pis est, a mort me maine
Merencolie la soubdaine,
Qui fait sur moy ses grans effors,
Par quoy tous mes plaisirs sont mors ;
Tant cruellement me demaine
Ung chacun [jour de la sepmaine.]
CXXX
R. le Senechal
n partant de vous, ma maistresse,
Me suis trouvé en tel adresse,
Que je n’adresse
Ou ait ne joye ne confort,
Car Fortune par son effort
Me maine fort
La ou n’ay que dueil et tristesse.
Las ! mais donc vient ne pour quoy esse
Que vostre bonté je delesse,
Dont sans que cesse
Je m’en treuve en [grant] desconfort,
En partant [de vous, ma maistresse.]
J’ay des maulx trop plus qu’a largesse,
Par Desespoir et son apresse,
