Le texte de cette page a été corrigé et est conforme au fac-similé.
307
Appendice.
APPENDICE
I
Fragments
d’une version en vers alexandrins
de la chanson de Macaire
ou de la Reine Sibile.
ichiers a non cis rois, com si j’oï conter,
« .II. anfans a moult gens, qu’on ne porroit trouver
« Plus biax an nule tere, si l’ai oï conter.
« Li uns est chevaliers, bien set armes porter ;
« L’autres est une fille, Sebile o le vis cler :
« Il n’a plus bele dame jusqu’à la rouge mer.
« Richiers li empereres la fist bien marier,
« Car li rois l’a de France, Challemaine li ber.
« Il la prist à mouillier, à oissor et à per. »
Quant Varochers oï de l’hermite parler
Et du roi Challemaine qui tant fist à douter,
La dame regarda si l’a véu plorer.
