Et à Macaire contrester grans folie.
Ja s’en alast, ne fust le contralie
Et doucement l’emperere le prie
Que à Macaire il ne contreste mie,
Remaigne à l’oevre véoir com ert fenie.
Et cel Macaire, c’ot el cuer déablie (*)
Vers la roïne, qui pechié nen ot mie,
Por ce que faire ne vout sa comandie,
Quant l’entent Kalles, sa parole a gréie,
De la roïne jugier si s’asoplie.(*)
A lui l’amenent de samit revestie ;(*)
Li rois l’esgarde, ens el cuer s’umelie,
Si l’a plorée, voiant la baronie.
Devant le roi la roïne ont mené,
Si fu vestue d’un chier paile roé. (*)
Bel ot le vis come rose en esté ;(*)
Or l’a tot pale et tot descoloré.
Li rois l’esgarde, por ele en a ploré.
Cele le voit, sel prent à araisnier :(*)
« Hé ! gentis rois, com mal fuis consilliés
« Quant tu me juges à tort et à pechié !(*)
« Cil qui vos a si fait conseil doné(*)(*)
« Ne t’aima mie un denier monéé.(*)
