Le texte de cette page a été corrigé et est conforme au fac-similé.
ELIE DE SAINT GILLE
Ichi commenche li vraie estoire de Julien(s) de Saint Gille, lequés fu pere Elye duquel Aiols issi, ensi con vous orés el lirre.
I[1]
r faites pais, signor, que Dieus vous beneie,
Li glorieus del chiel, li fieus sainte Marie !
Plairoit il vous oir .iii. vers de baronie ?
Certes, chou est d’un conte qui fu nés a Saint Gille.
Signor, il vesqui tant que la barbe ot florie ;
Ains ne fist en sa vie traison ne boisdie,
Ains ama mout forment le fieus sainte Marie
Et mont bien honora mostier et abeie,
Et si fist bons pons faire et grant ostelerie ;
Juliens ot a non, mout [et] grant signorie.
- ↑ — 1 Miniature avec la rubrique placée en tête du poème. — 9 pont
