juſtiſes de la foreſt par communes ſomonces, ſil ne ſont en plait u plege de aucun ou d'aucuns qui ſeient atachie pour la foreſt.
XLIX. Nos ne ferons viſcontes, juſtiſes, ne bailliz, fors de tels qui ſachent la lei de la terre, & la voillent bien garder.
L. Cuit cil qui fonderent abbeies, dont il ont charges des Reis d’Engleterre, o anciene tenue, aiant en la garde quant eles ſeront voides, ſi com il avoit devent.
LI. Cotes les forez qui ſunt aforeſtees en noſtre tens ſeient maintenant deſaforeſtees, & enſement ſeit feit des rivieres qui en noſtre tens ſunt par nos miſes en defens.
LII. Cotes les males coſtumes des forez & des warrenes, & des foreſtiers, & des warrenniers, des viſcontes & de lor miniſtres, des rivieres & de lor gardes, ſeient maintenant enquiſes en chaſcun conte par xii. chevaliers jurez de meimes le conte, qui devent eſtre eſſeu par prodes homes de meiſmes le conte & de denz xl. jorz apres co quil auront fette lenqueſte, ſeient del tot en tot oſtees par cels meiſmes, ſi que
