XIV. Et ſe aucun muret, & deit dette as Jues, ſa feme ait ſon doaire, & ne paiet nient de cele dette, & se li enfant qui remaindront del mort ſont dedenz, aage, porveu lor ſeit lor eſtoveir raiſnablement ſolonc le tenement qui fu del mort, & del remanant ſeit paiee la dette, ſauf le ſervice des ſeignors, & en tel maniere ſeit feit de dettes que l'on deit a altres que a Jues.
XV. Len ne mettra nul eſcuage[1], ne aie[2] en noſtre regne, fors par commun conſeil de noſtre regne, fors a noſtre reimbre[3] & a noſtre ainzne fiz faire chevalier, & a noſtre ainznee fille marier une feiz; & a ceſtes choſes ne face len aie ſe raiſonable non.
XVI. En cele mainere ſeit feit daies de la cite de Londres, & eſtre co la cite de Londres ait totes ſes ancienes coſtumes, & ſes franchiſes, & par mer & par aigue.
