ne purquant que ele face ſeurte que ele ne ſe marira ſanz noſtre otrei, ſe ele tinent de nos o ſenx lotrei de ſon ſeignor de qui elle tient, ſe ele tient dautrui.
XII. Ne nos ne noſtre bailli ne ſeiſeron terre ne rente del dettor pour aucune dette tandis com ſis chattels ſofficent a paier la dette, ne ſi plegene ſeront eſtroit tant dis come le chevetaigne detor ſoffira a la dette paier. Et fe ſe chevetaigne detor na de quei paier ſa dette reſpoigne li plege de la dette. Et ſil volent aient les terres, & les rentes del detter juſquil aient reſtorement de la dette quil ont devant paiee pour lui; ſe le chevetaigne detor ne monſtre quil en eſt quitte vers cels pleges.
XIII. Se aucuns a emprunte as Jues[1] plus o meins, & muert devant quil lor alt paie lor avoir, ne croiſe mie la dette tant dis com li eirs ſera dedens aage, & ſe cele dette vient en nos mains nos nen prendron que le chaſtle[2] que nos troveron en la charte.
