Nullement, car Amour, de celeste origine,
Est amiable et doux, et jamais ne termine
La course de nos jours, ains la fiere rigueur
De l’abject qui preside aux vœux de nostre cœur ;
Par ainsi ton mespris, idolle de ton ame,
Qui te rend insensible à l’amoureuse.flame,
A fierement coupé par le trait d’un desdain,
Le fil de Calidon.
Cleande si soudain
Que ce Berger m’ayma, il eust changé d’envie,
Les Parques fileroient la trame de sa vie,
Il verroi comme nous la lumiere des cieux,
Mais si de son desir le vol audacieux
A rendu sa poursuite et sa cheute mortelle,
Je n’en suis pas coulpable.
Ha ! parole cruelle !
Philis, viendra le jour que le ciel justement
Vengera le trespas de ce fidelle amant,
Et qu’Amour irrité de ta superbe audace,
Changera les beautez qui luisent sur ta face
En extremes laideurs, pour venger Calidon.
Helas ! non plus senfible à l’amoureux brandon,
