Les Souspirs amoureux de François Beroalde de Verville 1589/F. B. DE VERVILLE A M. A. D. B.
F. B. DE VERVILLE,
A
M. A. D. B.
E meurs en depitant ma fortune adversaire
Qui m’a fait naistre icy avec tant de malheur,
Qu’ayant un grand courage enfermé dans mon cœur,
Je ne puis de moy, moy mesme satisfaire.
Un trop brave desir par un effect contraire
Me va tyrannisant avec trop de rigueur,
Et à un gentil penser i’assemble ma douleur
Par ce qui me fait estre & qui me vient defaire.
Car i’avois bien-heureux protesté en mon ame
Qu’au lieu de souspirer mon amoureuse flame,
Je dirois par mes vers vostre perfection.
Mais las ! ce grand sujet estonne ma puissance,
Et veut que seulement en toute obeissance
Ie vous offre les vœux de ma devotion.