Dictionnaire des Arts et des Sciences/1re éd., 1694/Lemuries
Coignard, (2, p. 272-273).
LEMURIES. s. f. Feste que celebroient les Romains le 9. de May à l’honneur des Dieux Lemures. Cette feste duroit trois nuits, & on en laissoit toûjours une de repos entre deux. La ceremonie consistoit à jetter des feves dans le feu qui brusloit sur l’autel, dans la pensée qu’on chassoit par là les Lemures des maisons, ou qu’on empeschoit qu’ils n’y entrassent. Ils donnoient ce nom aux ombres & aux fantosmes des Morts, qui apparoissoient la nuit. Tant que duroit cette feste, les Temples estoient fermez, & on ne faisoit aucunes noces, dans la superstition où l’on estoit que les mariages qui se feroient pendant ce temps-là, seroient malheureux.