À la lune (Passerat)
Pour les autres utilisations de ce mot ou de ce titre, voir À la lune.
À la lune (Passerat)
Ô Bel œil de la nuict ; ô la fille argentée,
Et la ſœur du Soleil : & la mere des mois :
Ô princeſſe des monts, des fleuues, & des bois :
Dont la triple puiſſance en tous lieus eſt vantée.
Puiſque tu es, Deeſſe, au plus bas Ciel montée,
D’où les piteus regrets des amants tu reçois ;
Di, Lune au front cornu, as-tu veu quelque fois
Vne ame qui d’Amour fust ſi fort tourmentée ?
Si doncques ma douleur vient ton cœur eſmouuoir,
Tu me peus ſecourir ; ayant en ton pouuoir
Des ſonges emplumez la bande charmereſſe.
Choiſi l’vn d’entre tous qui les maus d’vn amant
Sache mieus contrefaire, & l’enuoie en dormant
Repreſenter ma peine à ma fiere maiſtreſſe.